Edhe policia ka reaguar për ngjarjen e rëndë në Bulqizë. Në njoftimin paraprak, autoritetet bëjnë me dije se Arlind Pasha humbi jetën rrugës për në spital. Ndërkaq autori, Fatjon Keta dyshohet se përpara se të kryente vrasjen, ka ushtruar dhunë ndaj nënës dhe motrës së tij. Më pas ai është konfliktuar edhe me 21-vjeçarin në qendër të Bulqizës, ku dhe e ka goditur duke e lënë të vdekur.
Bulqizë / informacion paraprak
Rreth orës 10.00, në qytetin e Vjetër Bulqizë, dyshohet se gjatë një konflikti për motive të dobëta, shtetasi F.K, ka plagosur me thikë shtetasin A.P, rreth 21 vjeç, i cili gjatë rrugës për spital ka humbur jetën.Forcat e Policisë janë vënë në ndjekje të autorit, ku po krihet zona dhe janë ngritur pika kontrolli në akset rrugore me qëllim kapjen e tij.
Grupi hetimor vijon hetimet në vendngjarje.